Statiese Neurie

Mitt Romney Style (Gangnam Style Parody) - College Humor

Wed, 10 Oct 2012 20:19:00 +0200

Mitt Romney Style (Gangnam Style Parody) - College Humor

Gangnam Style - Psy

Wed, 10 Oct 2012 20:18:00 +0200

Gangnam Style - Psy

Verassing...

Sun, 02 Sep 2012 17:53:00 +0300

Toe ek Vrydagoggend by die werk kom, en my “inboks” oopmaak, toe wag daar ‘n klein verassinkie op my. Lientjie het in die vroeë oggendure, toe sy nie kon slaap nie, ‘n gediggie vir my geskryf en dit toe eerder na my werksepos gestuur in plaas van na my foon toe. Dit het natuurlik my dag gemaak!

Sien, dis hoe ‘n normale werksdag normaalweg begin - gaap sodra ek 1 First Place binnestap, groet die wagte, neem die huisbak op tot die 4de vloer, gaap weer, groet my kollegas, praat myself moed in, wurg die laaste afsaksels van my bitter koffie in my keelgat af, maak my eposse oop, en laat die humeure fleur - op jou merke, gereed, gaan!

Ek was reg gewees vir baklei. My psych mix” oppad werk toe het wondere gedoen vir veggees en sielkundige voorbereiding, maar toe gebeur die ondenkbare…’n epos van Lientjie af, by die werk, eienaardig. Ek het sommer heel eerste daarop gekliek. En toe verander my prominente, Mentz-frons in ‘n moewiese glimlag. Dit was net tande waar jy gekyk het - Colgate-advertensie se moses. Aggressie, ontlont. Deksels!

Na ure se worsteling, bepeinsing en weke se navorsing het ek tot dié gevolgtrekking gekom - my meisie is ‘n “alien”. Hoe anders verklaar Mentz haar asemrowende skoonheid, eindelose kreatiwiteit, ongekende omgee vir mense, besonderse liefde vir haar vriendinne en haar bo-menslike vermoë om hierdie man se hart so te kan laat bollemakiesie slaan.

Ek is mal oor Joelene Louise Greeff! My asem raak met rukke weg as ek aan haar dink. Dalk moet ek ‘n suurstoftenk langs my bed hou net vir ingeval.

Nie net het ek die mooiste, kreatiefste, stylvolste, wildtuinste, kaalvoetste, nederigste, sjarmanste meisie nie! Asof dit nie genoeg is nie, het sy ‘n sin vir humor, lag sy vir my simpel grappe, vat sy my vas, en dan is sy nou nog oulik ook! Kan jy nou meer?!

Dankie Koning Jesus dat U hierdie moeilike en soms onverdiende man so geseën het met hierdie ongelooflike mooi-meisie-nooi - die toonbeeld van vroulikheid.

Goeie vrek ek is lief vir hierdie meisie! Lientjie is die enigste persoon wat ‘n glimlag op my gesig kan sit, enige tyd van die dag of nag, ongeag die omstandighede of my gemoedstoestand. “Varkie!” Skaterlag.

Hier is twee van die verse wat Lientjie-lief vir my gestuur het:

Ek kan nie slaap nie

“Liewe Jesus gee hom asseblief terug, dan sal ek nooit weer kla nie”
Nou wil ek vir ‘n sekonde weer nie sonder hom gaan nie
As ek na hom kyk kry ek skoenlappers en my hart begin oorborrel
Ek bly aan hom dink, my gedagtes wil net trou se kant toe korrel

Vir jou het ek lief Izak Nel Mentz
Ek het dan tog so baie lank vir jou gewens
Die twee weke moet nou net vlieg
Ek skryf al sonette, vlou, ek sal nie lieg

Adam - Kasteel Wenner-treffer! As jy mooi kyk sal jy sien...

Sun, 02 Sep 2012 00:56:00 +0300

Adam - Kasteel

Wenner-treffer! As jy mooi kyk sal jy sien hierdie video is geskiet by Melrose Arch. Afrikaans kook!

Wegbreek in die stad van die stad af

Fri, 31 Aug 2012 23:53:00 +0300

Vrydagaand in Johannesburg! Salig! Uiteindelik!

Eens op ‘n tyd het ek geglo ‘n mens leef nie net vir jou naweke nie, maar dit het sommer gou-gou verander vandat ek die groot skuif na Johannesburg gemaak het. Ek lees dit hardop - ek klink soos ‘n ou man met jare se eerstehandse ondervinding en duur leweslesse agter die rug - daai wat net saam met die grysheid en heelwat kopstamp en huil kom. Die teendeel is egter waar.

Dit voel soos gister wat ek met al my besittings uit Humansdorp getrek het - my VW Polo se gatkant gesink in die teer. Ek dink terug aan hoe ek by ‘n BP-vulstasie in Cradock gestop het, ietwat roekeloos en taamlik vinnig oor die agterpaaie duskant Steynsburg geskiet het, hoe die musiek en RSG se konsertinaklub my geselskap gehou het en hoe die opwinding van ‘n nuwe avontuur en uitdagings deur my are gepomp het!

Johannesburg is ‘n ongelooflike stad! Die energie, mense, wintersonskyn, somerdonderbuie en die pas is verslawend. Die geld, status, mag en roem ook, maar ek dank die Here dat Hy my vroegtydig uit daai gat uit getrek het. Dit bly maar altyd ‘n stryd, maar soos hul sê, jy buig mos ‘n boom in sy eerste 3 jaar.

Ek sal altyd dankbaar wees vir hoe my ouers my groot gemaak het - dankie Pa, dankie Ma. Ek verlang huis toe. Nog meer Stellenbosch toe… Terug na wat ek wou sê. Wat wou ek nou weer sê? Dis nou wat die stad aan jou doen - jy mag niks mis nie - nie ‘n groen verkeerslig nie, nie ‘n vergadering nie, nie een van Wackhead se grappe nie, selfs nie ‘n gedagte nie.

Dit kos mooi dink - my brein is gaar van vrae beantwoord, programmeer en vergadeings bywoon. O ja, nou onthou ek, ek het my 5 jaar van koerante aflewer te danke vir my waardering, bestuur en bestending van daai groen goed wat my ma altyd gesê het groei op haar rug - 32c vir Die Burger, R1.50 vir ‘n Rapport. Elke oggend voor skool of kerk - son, reën, hael. Die geld moes ek en my boeties invorder in sulke bruin koevertjies. Teveel keer moes ek luister na oumensstories of op ou stof banke gaan sit as ek ingenooi was, en teveel keer is ek ingedoen deur mense wat graag in die voorste banke in die kerk gesit het en probeer mooi lyk het. As jy my vra, is om koerantafleweraar te wees die beste voorbereiding vir korporatiewe Johannesburg. Maar niemand vra my nie, so ek sal niks sê nie.

Dit was ‘n chaotiese deurmekaar week en vanaand wil ek nie alleen wees nie, maar tog ook - moeilike Izak, soos klokslag en altyd net betyds maak hy sy verskyning! My pelle kyk êrens krieket, Lientjie sit in Stellenbosch en ek sit in Doppio, Rosebank - buite, onder die sterre en die liggies - mal romanties! Lientjie…ek mis haar verskriklik - die ergste, slegste tipe mis! Die mis wat jou dryf tot selfbejammering. Stop dit! Ek hoor my boetie sê - “Moffie!”. Ek lag as ek aan Ollie dink.

Doppio is ‘n mooi ou plekkie, besig ook en die atmosfeer laat my skryf. Dis loshande een van my gunstelingplekke - sommer net om te kom rugby kyk, of koffie drink tydens studiebreuke of as ek net wil wees. Dis natuurlik hoog Brits ook, en hier en daar hoor jy iets vreemds soos Italiaans of so iets. Afrikaans is ook skaars. Dankie tog vir daai nuwe Kurt Darren CD in my kar. Hou op lag vir my! Ek mis Afrikaans okei. Los my uit.

Hier kan ek ontspan en bietjie rustig word - wegbreek van die gejaag en stadsgedruis - niemand hier ken my nie, niemand wat my kom pla nie - geen hoekoms of waaroms of gaan doen ‘n voorlegging aan die krediethoofde nie!

Ek het baie gegroei en geleer vandat ek Johannesburg my huis gemaak het. Dis ‘n stad van kontraste - arm en ryk, Sandton en Alexandrië, sonskyn en reën, kwaliteit tyd of ‘n gejaag, geld of geluk, 5 minute langer slaap of 30 minute langer werk toe ry!

Ek staar na die spyskaart en hy staar terug. Van dié goed het ek in my lewe nog nooit gesien of van gehoor nie. ‘n Copacabana? ‘n Don Vito? Bruschetta? Goeie genade! En dis maar een van die redes waarom ek dol is oor Johannesburg? Ek leer elke dag iets nuuts.

Die kelnerin kom vra vir die tweede keer wat ek wil bestel. Druk! Instink! My tweedenatuur en blitsbesluitneming, met die komplimente van korporatief natuurlik, skop in. Ek kyk-staar weer na die spyskaart… Hoe spreek ek hierdie goed uit? Polo? Dit lyk bekend - my kar, my hemde. Goed dan, die Polo pizza asseblief! Slaan die spyskaart toe, skryf!

Ek gaan Lientjie ook nog hierheen bring. Sy sal mal wees hieroor! Nes ek, is sy verslaaf aan energie en opwinding, impulsief- en spontaanwees.

Oor presies twee weke is ek weer in Stellenbosch, weer by Lientjie. Dit het baie armdraai gekos - veral my bestuurder, maar waar daar ‘n wil is is daar ‘n weg! Ek word verplig om 10 agtereenvolgende werksdae verlof te neem - dit nou omdat ek nie laas jaar die minimum aantal verlof geneem het nie - klassiek Johannesburg - werk jouself dood net omdat jy kan, vir die lekkerte. As snotneusie-student het ek in daardie slaggat getrap - “die bank gaan inmekaarval sonder jou”. Bog! Loutere snert! Blatante leuens!

Dis dan nou ook waarom ek nie vanaand gaan krieket kyk het nie, waarom ek eerder vanaand as ek nie saam met Lientjie kan wees nie, allees wil wees. Ek het myself belowe hierdie jaar gaan ek bietjie meer selfsugtig wees, meer rus en meer gaan kuier in die Kaap en dis presies wat ek doen, nou.

Die Polo was ‘n goeie keuse, nes my kar - veilig en (soms te) glad om die draaie. En terwyl ek die laaste slukke aan my koffie wegbêre, vang ‘n rooi liggie doer bo in die lug my oog - nog net 2 weke…

Doppio, Rosebank, Lente

Fri, 31 Aug 2012 21:51:00 +0300

Doppio, Rosebank, Lente

Doppio, Rosebank, Lente

Fri, 31 Aug 2012 21:50:00 +0300

Doppio, Rosebank, Lente

Doppio, Rosebank, Lente

Fri, 31 Aug 2012 21:50:00 +0300

Doppio, Rosebank, Lente

Anders - Ons Koning Kom

Fri, 24 Aug 2012 18:49:00 +0300

Anders - Ons Koning Kom

H'town's Got Talent

Fri, 24 Aug 2012 16:05:00 +0300

Of course by now you’ve heard of the very popular search-for-talent-show, America’s Got Talent, however, a far more intriguing and action-packed real life series have been at play for quite some time now – H’town’s Got Talent. Yap, it’s my hometown. “Cool by association Kwagga!”

This small town (and as some of my uninformed and narrow minded Jo’burg friends like to call it, a so-called “backdrop shithole”), situated about 10km outside Jeffreys Bay in the Eastern Cape, is a factory and mass manufacturer of talent and seemingly, a launch pad for potential stardom and fame.

Humansdorp, by and large known for its surrounding dairy farms, mostly thanks to the Nico Malan High School, often produce extraordinary and high caliber individuals – whether in business, entertainment, sport, music or art. True to its nature, the last couple of years have seen no exception to this rule.

There are a large number of superheroes whose roots stem from this valley, but below are a couple of guys I’d like to mention in particular:

- Cobus Potgieter – world-renowned drummer, comfortably one of the most viewed artists on You Tube.

- Deon Meiring – lead guitarist and founder of the band Glaskas – an up-and-coming Afrikaans band with a lot of energy, plenty of playful and well articulated romantic lyrics as well as a refreshing punk sound.

- Lex Gutsche – Director of Coca-Cola South Africa and CEO of Woodlands Dairy

- Cornelia Bürki – three-time Olympic athlete

Check out some of their work below!

Cobus - Red Jumpsuit Apparatus - Face Down (Drums Cover) Check...

Fri, 24 Aug 2012 16:01:00 +0300

Cobus - Red Jumpsuit Apparatus - Face Down (Drums Cover)

Check out the stick flip @ 1:24-1:25

Glaskas - Aan Die Ontmaskerde Heldin

Fri, 24 Aug 2012 16:00:00 +0300

Glaskas - Aan Die Ontmaskerde Heldin

Glaskas - Menslik

Fri, 24 Aug 2012 15:59:00 +0300

Glaskas - Menslik

Nog foto’s van Aristea se huisdans. Hier het ek en Steve...

Wed, 22 Aug 2012 20:22:00 +0300

Nog foto’s van Aristea se huisdans. Hier het ek en Steve hom verkeerdom. Botmazicht 17 Roomies - Corné Greeff

Nog foto’s van Aristea se huisdans. Het jy dit gesien? -...

Wed, 22 Aug 2012 20:19:00 +0300

Nog foto’s van Aristea se huisdans. Het jy dit gesien? - Corné Greeff

Dit reen as die son skyn

Sun, 19 Aug 2012 19:02:00 +0300

Vlug MN130, Kulula, Kaapstad na Johannesburg, Sondagmiddag - hier’s ek alweer; vasgenael in my sitplek, kilometers bo in die blou lug - ek is oppad terug huis toe, weg van Lientjie af. Hierdie keer staan als in skrille kontras met Donderdagaand.

Donderdagaand se opwinding is vervang met hartseer en oombliklike verlange. Ek wil dit uitsny - die goedkoop eetgery van dié lugledery sal nie die truuk doen nie. Ek wil omdraai! Ek wil weer voltyds studentwees op Stellenbosch. Ek wil by haar wees. Ek wil net by haar wees. Dis al. Ek kan lewe net op water en Lientjie-liefde. Dis die waarheid! Die keer het ek ‘n venstersitplek en die wit sneeu op die berge en die sagte, spons wolkekombers help geensins om die rut meer verdraaglik te maak nie. Skree!

Langafstandverhoudinge is definitief nie vir sussies nie en ek kan goed verstaan waarom so baie mense nie kans sien daarvoor nie, maar ek is nie ‘n gewone ou nie, en Lientjie is definitief nie net sommer enige nooi nie! Ek dink aan oom Drikus se woorde: “Gaan jul regtig toelaat dat iets soos afstand jul uitmekaar gaan hou?” Afstand is te min! Ek moedig myself aan - nog net ‘n maand of so dan sien ek haar weer! Amper! En so begin ek weer die dae van vooraf aftel.

Lientjie huil nie sommer nie, maar vanoggend toe sy so styf teen my lê, kon sy die trane nie meer terughou nie. Opgekrul en weggesteek teen my bors het haar hartseer trane my hemp nat gemaak. Ek dink terug aan hoe ek haar styf teen my vasgedruk het en haar klein ruggie gestreel het. Hier kom dit alwéér - my reserwetranetenk. Vervlaks!

Wat ‘n onvergeetlike naweek! Die Boland is darem maar mooi. God weet wat hy gedoen het toe hy hierdie stukkie hemel hier aan die onderpunt van Afrika geskape het. Asemrowend, magies, Maties!

So gepraat van Maties. Ek kan myself uiteindelik ‘n volbloed-Matie noem, al is dit nou ‘n jaar en ‘n half vandat ek daar weg is, maar nietemin, Mentz het sy maroen kleure met goue strepe en dis al wat tel. Hoe jy daar uitkom maak nie saak nie - niemand vra vrae nie, dis ‘n ja of nee antwoord.

Laat ek diegene wat by ander, ondergeskikte, universiteite geswot het kortom inlig. Om as ‘n ware Matie (‘n volwaardige ambassadeur-student van die Universiteit van Stellenbosch) geklassifieer te word, moet jy die volgende drie toetse slaag:

- sleep (dop of druip) ‘n vak,

- ‘n akker moet op jou kop val en

- soen ‘n meisie in Die Laan

As Aktuariële-student was nommer een nie te moeilik nie. Ten minste kon ek die moeilikheidsgraad van die kursus die skuld gee - gerieflik! Ek het toe nou ook CA3, ja jy’t reg geraai, ons sogenaamde kommunikasie eksamen, in my Honneursjaar gedop - ‘n ekstra vak, maar ‘n dop is ‘n dop. Fieniesjjj en klaar! Regmerkie nommer een.

Toets nommer twee het ek met lof geslaag. Daar was selfs sprake dat ek op die kortlys was vir die kanseliersmedalje, gegewe my baanbrekerswerk werk in dié veld. Nie een nie, maar tweekeer het ek die voorreg gehad dat ‘n akker op my kop val. Die meeste mense kom dit nooit oor nie. Tweekeer in 5 jaar, met een siel - dis nou ‘n goeie treftempo! Regmerkie nommer twee.

Toets nommer drie - tot en met gister het ek nog nooit ‘n meisie in die alombekende Laan gesoen nie. Wat ‘n mylpaal toe Lientjie my toe gistermiddag, omtrent die tyd, op die hout bruggie, oor die rivier in Die Laan ‘n uitklopkushou gee! En so word ek toe deel van die uiters gesogte en hoogs eksklusiewe Matie-klub. Regmerkie nommer drie. Kolskoot. Volpunte. Sukses. Matiefaam! ‘n Eer wat net ‘n handjie vol mense beskore is! Temalied vir die dag: “Jy dink jy’s cooler as ekke” van Jack Parow. Ek is beslis! Hou op stry, jy weet ek is. Ek maak instinkief ‘n skêr met my wys- en middelvinger en draai na die dame langs my, ek wil uitblaker “SKêR” toe dit my byval dat ek nie meer in Stellenbosch is en dat ek nie meer ‘n student is nie. Volgende stop - Johannesburg, die grootmenswêreld.

Vir twee en ‘n half dae was ek weer student - onbeskryflik! Ek het soos in my vyfde jaar weer in Botmazicht gebly, gaan wyntoer, gaan eet in die Neelsie, laat gaan slaap en ingeslaap en na ‘n huisdans toe gegaan! En net so voel dit asof ek in ‘n sprokiesfeëverhaal storie is as ek saam met Lientjie is. Sy is die enigste nooi wat my hart tergelyke tyd kan laat stilstaan en ‘n miljoen slae kan laat hammer.

Lientjie, ek mis jou! Ek mis alles omtrent jou - jou potblou oë, jou rooi lippies, jou oulike bootsies, die manier waarop jy “message” sê, die reuk van jou hare, die manier waarop jy met my stoei, die onverwagse (soms lekker seer) vuishoue wat jy speels teen my arms en borskas so graag uitdeel, jou frons, jou fyn lyfie, jou skaterlag, jou hare wat vanself krul by jou oulike oortjies, jou omgee vir selfs jou dronk buurman wat sy kar in die middel van die nag in die muur vasry, die manier waarop jy my vasvat en met my raas, ons laataand gesprekke - die grappe en die ernstiges, jou lasagne, jou gasvryheid, jou rustigheid en stil-sterk selfvertroue, jou kreatiwiteit, die skoenlappers en koerantpapierrose teen jou kamermuur, jou koffie plunger, jou pap en dat jy sommer net bereid is om in my arms te kom lê en huil.

Joelene Louise Greeff, ek het jou lief! Meer as wat ek in woorde kan sê, meer as wat ek ooit in my lewe sal kan wys, so lief dat hierdie man letterlik siek raak van die verlange, sy bors toetrek as hy jou briewe lees en saans al is waaroor hy kan droom en bedags dagdroom.

Ek en Lientjie, pre-drinks photo shoot, La Bac, Paarl. Myne! -...

Sun, 19 Aug 2012 16:59:00 +0300

Ek en Lientjie, pre-drinks photo shoot, La Bac, Paarl. Myne! - Corné Greeff

Ek en Lientjie, pre-drinks photo shoot, La Bac, Paarl. Lientjie...

Sun, 19 Aug 2012 16:59:00 +0300

Ek en Lientjie, pre-drinks photo shoot, La Bac, Paarl. Lientjie het self hierdie rok gemaak, klassiek-stylvol-sjarmant. James Bond en metgesellin. - Corné Greeff

Ek en Lientjie, pre-drinks photo shoot, La Bac, Paarl. Grrr! -...

Sun, 19 Aug 2012 16:58:00 +0300

Ek en Lientjie, pre-drinks photo shoot, La Bac, Paarl. Grrr! - Corné Greeff

Ek en Lientjie tydens ons pre-drinks photo shoot, La Bac, Paarl....

Sun, 19 Aug 2012 16:55:00 +0300

Ek en Lientjie tydens ons pre-drinks photo shoot, La Bac, Paarl. Sprokiesverhaal - Corné Greeff